Mainzko katedrala

Mainzko katedrala
Egunez   Gauez   Barnealdea   Planoa  Irudi gehiago
Kokapena
Estatu burujabe	Alemania
Alemaniako estatua	Renania-Palatinatua
Hiria	Mainz
Ortsbezirk of Germany	Mainz-Altstadt
Koordenatuak	49°59′56″N 8°16′26″E / 49.998889°N 8.273889°E / 49.998889; 8.273889
Historia eta erabilera
Irekiera	X. mendea
Erlijioa	katolizismoa
Elizbarrutia	Roman Catholic Diocese of Mainz (en)
Izena	Martin Tourskoa
Arkitektura
Estiloa	arkitektura erromanikoa
Dimentsioak	116 () m
Ondarea
Webgune ofiziala

Mainzko katedrala (alemanez: Mainzer Dom), Alemaniako Mainz herrian dagoen katedral bat da. Mainzko katedrala, harearri gorrizko basilika handi eta ikusgarri bat da, baita munduan existitzen diren arkitektura erromanikoko adibiderik azpimarragarrienetako bat ere. Gertu dituen Spirako katedrala eta Wormseko katedralarekin batera, Renania-Palatinatua estatuko Kaiserdome edo Katedral Inperial deritzenetako bat osatzen du.

Katedral honen elementu bereizgarri bat, eraikinaren perimetro osoa inguratzen duen zutabe galeria da, hain zuzen ere, teilatuaren lerroaren azpian.

Katedrala, 975ean eraikitzen hasi zen, Wiligisen ardurapean, Oton II.a enperadorearen agintaldian, honen ondorengoa izan zen Henrike II.a Germaniako Erromatar Inperio Santukoaren erregealdian jarraitu zuen eta 1009an amaitua izan zen, Konrado II.a oraindik adin txikikoa zenean amaitua izan zen. Katedralaren historiako gertakaririk lazgarrienetako bat, 1793an gertatu zen, Frederiko Gilen II.a Prusiakoaren soldaduek, okupatutako lurralde guztia bereahal berreskuratu zutenean, oso gotortuta zegoen Mainz izan ezik. Setio luze baten ondoren, non hiriaren zati handi bat suntsitua izan zen, Prusia eta Germaniako Erromatar Inperio Santuko tropek, hiria konkistatu zuten 1793ko uztailak 2an. Mainzko Errepublika, honela, desagertu egin zen, eta jakobinoak, 1795 arte jazarriak izan ziren, urte horretan, hiria, Frantziaren kontrolpera pasa zenean.